منتديات قمة ليبيا | Top-Libya


تم إفتتاح المنتدي من جديد

الرجاء الإطلاع على الموضوع الموجود هنــــــا

تحياتي,

منتديات قمة ليبيا | Top-Libya


 
الرئيسيةالبوابةس .و .جبحـثالتسجيلالأعضاءالمجموعاتدخول

شاطر | 
 

 شعر شعبي عن الصحب والرفيق, منقو

اذهب الى الأسفل 
كاتب الموضوعرسالة
شمس ليبيا
عضو أساسى
عضو أساسى


انثى
عدد الرسائل : 67
العمر : 26
الموقع : قمة ليبيا
السٌّمعَة : 0
نقاط : 38090
تاريخ التسجيل : 18/12/2007

مُساهمةموضوع: شعر شعبي عن الصحب والرفيق, منقو   الإثنين 28 يناير - 19:53:50

أخوتي أخواتي

قرأت هذه الأبيات الشعرية الشعبية عن الصاحب والرفيق ( عجبتني)

نقلتها لكم

أصحاب ينشدوا وأصحاب ننشد عنهم ..وأصحاب موتوا وأصحاب نا راكنهم

أصحاب لي عـــــزيلــــــه.. أصحاب بينه رفقت سنين طويلة

لو بغايتى ما نغيب عنهم ليلـه.. على والفوا وانا العقل ادمنهم

ابقيس الجهد يفزع اللى نشكيلـه.. احذا محنتى ينسوا جميع محنهم

أصحاب قدرهم عندي كبير انشيلــه.. ونطعن عدوهم قبل لا يطعنهم

أصحاب يا محلاهـــم.. ننسى همومى وين مانلقاهم

أصحاب لا جفونى يوم لانجفاهــم ..اصحاب للشدايد والدهر خازنهم

على خط ثابت دايماً مبداهم.. كيف الذهب صافى نقى معدنهم

أصحاب مايجينى سو من يلاهــــم..وديمه كبير القدر سابق منهم

أصحاب مو ساهل اردود اكفاهـــم..وعندى خزاين الارض ما يسونهم

أصحاب منى عـــدوا..أصحاب فارقو ماعد على يردوا

أصحاب ع الصوابع ليمنه ينعدوا..اصحاب القبور الموحشات زونهم

أصحاب قبل كانو يعزمو ويتندوا ..اجوادهم عمار الدار في موطنهم

أجواد في البعيد والقريب يعدوا ..أجواد ماخلفه اتشد رسنهم

الدايم الله تحت التراب امتدوا .. بعد عز واجد والأيام طونهم

سافروا فاتــونى .. منشاب نارهم مازال فى مكنونى

أصحاب وين نطريهم اتسيل اعيونى..وعلى ماجرى الأنظار ما نسينهم

أصحاب كانوا من بعيد ايجونى .. عند الشدايد ماظروف لهنهم

أصحاب في النهار الشين صبو دونى .. فراسين ماخيل العدوا رهبنهم

أصحاب من جديد انخاف يا مضنونى ..ان جابن الجيابات مايجيبنهم

أصحاب كي قلتـــم .. بلا مواخذه نادم على رفقتهم

انذال كى شبعو بدلوا خطوتهم .. انموت مالعطش عندى ولامعطنهم

قرار واخذه قافل على فجوتهم .. حتى وهم مصابى خاطرى دافنهم

هزازت اكتوف وكل حد يهفتم .. ويقدر العيل والمراى تشجنهم

ماهناك غير الكذب فى سوحتم .. المرتع لي سامن عليه بدنهم

واهم فيهـــم .. جرب ولكن فى العقاب لقيهم

أنذال غير جيهته وخطيهم ..شطب احسابه لولى وركنهم

ولاعاد فيهم خير لا نبيهم .. ولارياف يجبرنى على مسكنهم

يغنينى الله عنهم وعن طاريهم .. ولاعاد حليبى نخلطه بلبنهم

كلى من جناب العقل مو قانيهم .. في كل مجمع ينطرو يلعنهم


أصحاب ينشدوا وأصحاب ننشد عنهم ..وأصحاب موتوا وأصحاب نا راكنهم

ارجو ان تنال اعجابكم

:angekls: :angekls: :angekls:
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شعر شعبي عن الصحب والرفيق, منقو
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات قمة ليبيا | Top-Libya :: القسم الأدبي :: الشعر الشعبي الليبي والفصيح |Arabic poetry-
انتقل الى: