منتديات قمة ليبيا | Top-Libya


تم إفتتاح المنتدي من جديد

الرجاء الإطلاع على الموضوع الموجود هنــــــا

تحياتي,

منتديات قمة ليبيا | Top-Libya


 
الرئيسيةالبوابةس .و .جبحـثالتسجيلالأعضاءالمجموعاتدخول

شاطر | 
 

 يا عين يا نشاده, على مناطق بنغازي يلي تغيروا هلها آه آه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
شدى السلام
عضو مشرف
عضو مشرف
avatar

انثى
عدد الرسائل : 272
العمر : 26
أوسمة المنتدي :
السٌّمعَة : 19
نقاط : 36578
تاريخ التسجيل : 23/12/2007

مُساهمةموضوع: يا عين يا نشاده, على مناطق بنغازي يلي تغيروا هلها آه آه   الخميس 21 فبراير - 15:32:24



ياعين يا نشاده
ادموعك على الأعزاز تمن عادة
تبكي عليهم يانا
ناس ساكنين الشط في جليانه
لاهنتي ولا هانوا أسباب غلانا
غير الوقت دار الهجر وطال ابعاده

تبكي ديمه
علي ناس في البركه وفي بوهديمه
جرح الغلاء عندك تمادا ضيمه
وأنتي بروحك دايره نكّاده

امغير تعاني
علي زول باهي ليك في السلماني
من لوعتك في ذكرته شقاني
كثّر اسهوري وفكها الوساده

اللوع ايزيده
تلمليم ناسك وسط راس اعبيده
عمر الوفي مايوم يترك ريده
وانتي تركتي الود ياشراده

امغير اتنين
يا قلب في سبة افعال العين
احزن علي رواد سيدي حسين
علي افراقهم محكوم بالأباده

لا اتقول ليش
يلي انسيت اولافنا ف الكيش
ومهبول من ينساك يا اخريبيش
مجنون ماعندش كثير إراده

ياعين يا نشاده
أدموعك علي الأعزاز تمن عاده

ياعين راك خطيه
درتي العيبه في ابعادك ليه
من حب قلبي بنت بنغازيه
حلوه جميلة ناعمه وداده
لها اسم معروفه لها بيتية
لها خلق وادب ودينها وزياده
لها ناس معروفين اطياب النيه
ناس صبايين في الميعاده
ابكي وديري نوح ياكحلية
ماينفع ابكاك ودمعتك منزاده
مادرتي الحق امغير شماته فيه
زدتي لزولي عزوته حساده
حرمتي ارويحك من الناير ضيه
وحرمتيه قلبي من اينول مراده
ادموعك علي الأعزاز تمن عاده


---------------------------------



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يا عين يا نشاده, على مناطق بنغازي يلي تغيروا هلها آه آه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات قمة ليبيا | Top-Libya :: القسم الأدبي :: الشعر الشعبي الليبي والفصيح |Arabic poetry-
انتقل الى: