منتديات قمة ليبيا | Top-Libya


تم إفتتاح المنتدي من جديد

الرجاء الإطلاع على الموضوع الموجود هنــــــا

تحياتي,

منتديات قمة ليبيا | Top-Libya


 
الرئيسيةالبوابةس .و .جبحـثالتسجيلالأعضاءالمجموعاتدخول

شاطر | 
 

 قصائد على الجهاد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بنوتة بنغازي
مشرفة قسم حوآء وآلكوجينة
مشرفة قسم حوآء وآلكوجينة
avatar

انثى
عدد الرسائل : 496
العمر : 37
الموقع : منتديات قمة ليبيا
العمل/الترفيه : شى
البلد :
الجنس :
هوايتى :
السٌّمعَة : 21
نقاط : 37368
تاريخ التسجيل : 23/12/2007

مُساهمةموضوع: قصائد على الجهاد   الأربعاء 27 فبراير - 17:45:28




فى الحقيقة وأنا أتجول وجدت هذه القصائد فى أحد المنتديات
معركة الكردون

للشاعر محمد ابراهيم القدافى

صار يوم فى الكردون ناره حية *** كتح فيه تاو الفجر علم ضية
يوم امجـــــــــــــــــــــــــــــــــــــــــلى *** يوم فيه سيف المسلمين معلى
عما الفجر فى تاو الفقى بيصلى *** جوهم وهما خاليين قضية
ولا منو منهم عل قفاه امولى *** على قلب واحد عاطيين النية
امنــــين المنادى نادة *** قال زودوا ماتسلموش ارادة
الطليان راهو زاد فيه اعناده *** قال قوتى مازيها ضدية
والوطن مايحموه غير اولاده *** قطعوه قطعت ذيب فى شاوية
هــــــــبــــهب نــــــصـــره *** وجيش طاليا دارو عليه افقصره
بيهم جاته فى الكرومة كسرة *** افوسطى جنايزهم بدت مرمية
صعيبة عليهم سكنتك ياحسرة *** لو كان موش خشوهم نصارة زية
يــــوم امحـــــــمس *** يوم فيه يضابح الا لمسمس
الرومى اعماهم لاضرب لا خمس *** منين زغرتت عيشة وبكت مارية
عقاب جيشهم خش الشعاب يهمص *** قعدوا جيفاهم افكل تنية
هبهب النصر افـــــــــساعة *** فيسع افجيشا نوضوا قرباعة
كووه فوق وسط الراس بطباعة *** اوين يتحرك يغشموه بكية
على الدين ماهم هيشرة طماعة *** او تاريخهم سجل سطار نقية
ناشوه شينك نوشة *** اوغنموا سلاحة وقوته وجيوشة
اوكردونهم ولا عليهم كوشة *** او ناره رقت ماتنطفى بمية
كل حد يضرب من رواشن حوشة *** عدو الدين ماهم طايبين بجية
يوم ياسلام وســــــــــــــــــــلم *** على ايطاليا صابح ضلام امضلم
اعما الصبح تاو الفجر كيف امعلم *** جوهم على سبق خفاف الجية
من حس بصوت التقيل تكلم *** تقول رعد يدرز فى سحاب امية
جــــــــــــــوه ضــــــــــــرارى *** فراسين على سبق خيول جرارى
رسم سوق للبياع واللى شارى *** رخص سومهم ماعندهم حيتية
انشدوا كما شدت شوامى صارى *** روا لط ماجابت الزنتانية
جوه اولـــــــــــــــــــــــــــــــدة *** فراسين ركابين سمح البدة
الواحد ليا كان سلاحة مدة *** اتجى ضربته وين تقصر الطاقية
كبار العزايم على سنين الشدة *** عليهم زغاريت النساء بالمية
الكردون هذا لــــــــــــــــــــــــينا *** اولاد طاليا مايحكموش علينا
مادام فيه سلاحنا فيدينا *** يانكملوا يا نقعدو حرية
كيف نرقدوا نوم الهناء ويجينا *** احنا او طاليا مابيناش خوية
الطليان حل جهـــــــــــــــــادة *** وجا لبر بلاد موش بلادة
لقى نار قدامة يقد رشادة *** وهم بدوا للقامحين سعية
دين وطنا بيخلسوه اولادة *** خلاس دين كل شيبانى وكل ولية
صار يوم تشعل نــــــــــــارة *** سقوه كاس حنضل من زخيم مرارة
خلص دين من ميت نهار القارة *** استشهد على وطنه وليه تحية
عطوه ماعطو للطبل يوم الغارة *** خشولهم والضرب بالكمية
عليهم تحارف يـــــــــــــــومه *** اوماجابهم غير اجلهم من روما
او قبطانهم شدوه زى البومة *** شدة الطير الحر لى الحدية
اسواد ليلهم غابت عليه نجومة *** واللى فقاهرة هكا طراله زية
الكردون ليه امـــــــــــــــــــالى *** ايعزوه وترابه عليهم غالى
لايظلموا ولا يحملو بطالى *** ولا يرقدوا عضلم نوم هنية
ليا كان ناضو سيلهم جلجالى *** ايخلى الضهارى العالية مسوية
اماليه من يقدرهــــــــــــــــــم *** يخسر اعماهم كل من قامرهم
او تاريخهم معروف من ناكرهم *** وكتاب قرسيانى خود منه ضوية
بالك تقولو غير يبيشكرهم *** نابيهم يردو العارفين علية
هجموا عليه وهاجــــــــــــوا *** لاكبكبوا لا خوبروا لاراجو ا
ياناصرين الدين ماتحتاجوا *** اللى يموت منهم سيته ممحية
صار يوم فى الكردون ناره حية *** كتح فيه تاو الفجر علم ضية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://top-libya.msnyou.com
 
قصائد على الجهاد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات قمة ليبيا | Top-Libya :: القسم الأدبي :: الشعر الشعبي الليبي والفصيح |Arabic poetry-
انتقل الى: