منتديات قمة ليبيا | Top-Libya


تم إفتتاح المنتدي من جديد

الرجاء الإطلاع على الموضوع الموجود هنــــــا

تحياتي,

منتديات قمة ليبيا | Top-Libya


 
الرئيسيةالبوابةس .و .جبحـثالتسجيلقائمة الاعضاءالمجموعاتدخول

شاطر | 
 

 نكت حريق, نكت ليبية صقع

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عاشق القمة
عضو مشرف
عضو مشرف


ذكر
عدد الرسائل : 152
العمر : 26
الموقع : قمة ليبيا + إلكساد + شباب ليبيا
العمل/الترفيه : الكورة زى أى ليبي
السٌّمعَة : 6
نقاط : 32706
تاريخ التسجيل : 29/12/2007

مُساهمةموضوع: نكت حريق, نكت ليبية صقع   الثلاثاء 18 مارس - 17:53:11



مرة فيه واحد سكر راسه على صوابع خوه.


الولد لأبنه: نسكّر التلفزيون ؟ ... الإبن : لا لا .. خليه مردود.


مرة فيه شاب مرخي يسوق في سيارة وطلع في الأحمر .. لحق عليه الشرطي
بالموطو وقال له بعصبية : ليش طلعت في الأحمر؟ رد الشاب بخوف : والله انا لما
طلعت ما كانش أحمر هلبة .. يعني تقدر تقول نص نص.


واحد أحول بيزوق حوشهم زوق حوش جارهم .. وجارهم حتى هوا أحول خطم عليه قال له "ربي يعاون والعقبة لينا".

مرة واحد عضه كلب ردهاله.


واحد بطنه توجع فيه مشي لدكتور باكستاني سأله الدكتور : لاباس عليك ..
ردعليه : والله يا دكتور واكل هندي(يعنى تين شوكى) .. الدكتور سيبه وهرب.



الأول : كيف تقول لشخص أجنبي تعالي هنا بالإنجليزي ؟ ... الثاني :
نقول له "كم هير" .. الأول : وكيف تقول له برة غادي بالإنجليزي ؟ .. الثاني :
نمشي غادي ونقول له "كم هير".



واحد مشترك في من سيربح المليون .. ولما وصل في سؤال صعب طلب يتصل
بصديق .. واعطاهم رقم مرته .. ولما كلماته قال لها : شنو رايك ياحبيبتي نحذف
إجابتين أو ناخذ راي الجمهور؟.



الزبون للبائع : عندك سلاطة خضرا ؟ .. البائع : للأسف ما عنديش !! .. الزبون : باهي شوفلي أي لون تاني.


الأول : تجي نديرو آفاري ؟ .. الثاني : كيف ؟ .. الأول : أنتا تعطيني
نص الفلوس اللي معاك وأنا ناخذ منك النص الثاني.


الأب للمدرس : علاش ضربت ولدي أمس ؟ .. المدرس : لأن ولدك (حاشاكم)
حمار .. ما يعرفش يكتب كلمة "فيل" .. الأب بإستغراب : فيل يا ظالم !! .. ولد في
الصف الأول تبيه يكتب فيل ؟ .. قول له يكتب برغوثة .. عصفورة .. حمامة بالكثير مش فيل !!!!؟.


أثنين طرش ساكنين مقابلين بعض .. الأول طالع من حوشه وشاد في أيده
بندقية والثاني طالع من حوشه وشاد في أيده بندقية .. الأول: أنتا ماشي تبي
تصطاد؟ .. الثاني: لا .. انا مكسد قلت نطلع نصطاد .. الأول: خسارة .. قبل نحسابك ماشي بتصطاد قلت نتسايرو.



خانب خش لحوش ولما بدا يخنب فاق بيه مولى الحوش ومرته .. الخانب جبد
عليهم موس ورسم على الأرض زوز دوائر وقال للزوج: اوقف في وحدة من الدوائر. وقال للزوجة: اوقفي في الدائرة الثانية .. واحد منكم يطلع رجله من الدورة نقتله!! .. وتلفت للجهة الثانية وبدا يخنب .. الزوجة تكلم في الزوج وتقول له : اهو متلفت للجهة الثانية دير حل واهجم عليه وشده .. والزوج يضحك .. ولما يئست منه قالت له : ماتقولليش خيرك تضحك؟ .. الزوج : اسكتي .. من أمبكري نطلع في رجلي منالدورة وهوا مش زابطني


واحد مشي يزور في خالته خضرا لقاها يابسة.


الطفل للأستاذ: هل تعاقبني على عمل ما درتاش؟ .. الأستاذ: بالطبع لا!!
الطفل: امالا راني ما درتش الواجب.


المحبوس الأول: علاش حبسوك؟ .. المحبوس الثاني: تصور على خاطر خنبت حبل
طوله ما يجيش ميترو .. لاكن في نهايته بقرة.

* القاضي للمتهم: خلي إجابتك كلها شفوي .. أمتى آخر مرة شفت المجني عليه
المتهم : شفوي !!.


واحد ماشي يزور في صاحبه يبي يعزمه على عرسه .. ولما طقطق على الباب
طلعتله بنت وكانت حلوة هلبة .. ولما شافها تلخبط معادش عرف شن يقول .. هو: عبد القاعد قادر ؟ .. هي: للأسف مش موجود .. من نقول له لما يجي؟ .. هو: قولي له حميدة الجاي لا .. حميدة اللي بعده عرس الخميس باش يتفضل.

واحد ماشي لحديقة الحيوان .. جي جنب قفص الأسد وخشش دماغه في القفص ..
جي الحارس متاع الحديقة يصيحله من بعيد : أنتا يا راجل يا مجنون شنو تدير ..
طلع دماغك من قفص الأسد .. الراجل: غير خيرك خايف عليه .. تقول بناكلوه.

الرجل لخطيبته: شفتي القمر يا حبيبتي .. الخطيبة: وشن قالولك أني عمية؟.

الطفلة تسأل أمها: ماما .. علاش العروسة تلبس قفطان أبيض في العرس؟ ..
الأم: لأنها خاشة على دنيا جديدة كلها بيضاء .. الطفلة: أها .. وأني نقول علاش
العريس يلبس في بدلة سوداء؟. ]


سكــرا صلى بروحه فاتته ركــــــعة
2)واحد خاطم من الشارع يسمع في التخبيط طاق طيق اوصل لي راس الشارع
القي الجماعة بلعبو في كارطة بالزينــقوات
3) واحد سكران طينة امعكس في الشارع في الليل القي سوادني شاد شكاير
كناسة قاله ربي ايصون
4)سكران خاطم من قدام عزاء .. حالة وفاء يعني قال الي اهل الميت ما فيش
امل يرجـــع
5)في شيباني ليبي امشي من سيربح المليــون امش سأله جورج قرداحي قاله
من جاي معاك ,,, الشيباني قاله أمـــي ,, امشي جورج قرداحي قاله عنــجد
أمـــك ,,(يعني بجديات).. قاله الشيباني عنجـــد بـــــوك
5)واحد طاح من فوق الحيط قالوله جاتك سليمة قاللهم قوللها اتخش
المربوعة توا انجي
6)سكران طاح من فوق عمارة قالوللــه لابس شنو صار قاللهم و الله ما ني
عارف حتى اني كيف واصل
7)واحـــد قتله الابلة ارسم فيل امشي ارسملها نقطة قتله وين الفيـــل يا
فرخ ..قاللها ما اتشوفيش فيه جاي من بعيد
Coolفي مصري امشي للجزار قاله اعطيني لحمة بجنيـــه قاله الجزار هاك الحس
الشيـــــتة
9)واحد ماشي في الطريق و عنده بيحــو القي واحد عنده مكسمة امشي قاله
شنو رايك انديرو افاري ,,قاله صاحب المكسمة تي شنو تحسابني خروف انبدل
مكسمة بي بيجــو ,,قاله صاحب البيجــو هادي فيها سر امشي اضرب على
الكوفني اطلع مارد قاله برا جيب شاهي و كاكوية... امشي صاحب المسكمة
افرح ,, بدلو لي بعضهم,, روح صاحب المكسمة بالبيجـو قالوله اهله يا
مهبول اتبدل مكسمة بالبيــجو ,,,قاللهم هادي فيها سر اشرب على الكيفنو
جاه المارد قاله جيبلي 2 ليبو ز 1 مكسمة ,,قاله المارد أسف اختصاصي
شاهي و كاوكية بس
10)مراءة ليبية امشت من سيربح المليون امشي علقت في سؤال طلبت استعانة
بصديقة,,اتصل جورج قرداحي :الوو اخت فاطمة ,,معاك جورج قرداحي من
برنامج من سيربح المليون ,,قتله و النبي سكر من غير اتســهويك
11)فيه ابلة تشرح للطلبة درس الاتحاد قوة امشي نوضت طالب اسمه ابو
عجيلة ..قالت توا بنعطو لي بوعجيلة عصى وحدة بكسرها ,,طربق بوعجيلة
العصى,,قالت توا بنعطو ابو عجيلة عصاتين مع بعض,, طربق بوعجيلة
العصاتين ,,,بعدين قالت توا بنعطو بوعجيلة الحزمة كلها ما يقدرش
ايكسرها ,,,امش طربق بوعجيلة الحزمة كلها,,,قتـتله افلقــت الدرس يا
بوعجيلة
12)واحد قال لي بوه اعطيني خمسة دينار بأنديــر دورة ,,,, قالــه خود
دينارين و و قص قصــان
13)في واحد عنده دجاج ما ايدحيش بكل ,, جاهم يوم متكنطي قال غضوة الي
ما نلقهاش امدحية على اقل خمسة دحيات بندبحها ,, اليوم التاني جي شاف
الاولى القي تحتها ستة شاف الثانية الي تحتها سبعة شاف الثالثة الي
تحتها وحدة ,, كيف جاب الموس بي ايجر عليها ابدت اتصيح اتقوله,,, اني
سردوووووك سردووووك (ديــك) مش دجاجة
14)واحد عنده دجاج خاطم بيه من الرجبان لي طرابلس و هوا ماشي وقفوه
البوابة الاولى ,,, شنو عندك ,, قاللهم عندي دجاج ,, شنو اتوكل فيه
قاللهم شعير ,, قالوله يا حمار اتوكل في الدجاج الشعير و الناس مش لاقية
تاكل ,, اعطوه طريحة اقريب قتلوه,, جي من البوابة الثانية
شنو عندك ,, عندي دجاج ,, شنو اتوكل فيهم .. قاللهم كناسة ,, قالوله
اتوكل في الدجاج الكناسة بعدين اتبيع فيه للناس ,, اعطوه طريحة ,,,
جي للبوابة الثالثة , قالولـه شنو عندك ,,, قال دجاج , قالوله شنو
اتوكل فيه ,, قاللهم من الاخير نعطي فيه في مصرو ف و يمشي يشري بروحه
15)واحد امشي للدكان قاله و النبي صرفلي الدينار اربعة ارباع ,, قاله
ارباع ,, برا تو تلقاهم تحت الكوبري
16)في واحد امشي للعيادة عنده سن فيه سوسة امشي قال لي الدكتور و النبي
نحيهم كلهم و خليه هوا بروحه زي الكــلب
17)في طالب روح لي بوه ناتشه الاستاد من ودنه امشي جي ولئ امر الطالب ,,
قال للاستاد خيره ولدي,,, قاله يتسهوك ,, انقوله ارسم منضر طبيعي ايقولي
تبيه غروب و الا شروق في شجر و الا ازهار كبار و الا صغار,, امشي الراجل
قاله لالا يا استاد ولدي شاطر امورقله،،، الاستاد قال لي الراجل تعال اوقف
بحدا الباب و خنس لي ولدك,, امشي الاستاد نوض الولد و بوه لابد بحدا
الباب ,, قاله ارسم منضر طبيعي ,, قاله الولد كيف يا استاد غروب و الا
شروق سيف و الا شتاء ربيع و الا خريف ,, امشي بوه اتكنطي خش للاستاد قاله
و النبي تنتــشه و الا ننــتشه اني
18)في واحد مراته حامل امشي قال كاني جاني ولد بأنسميه مبروك,,
امشي مراته جابت ولد ,وجت الممرضة اتفرح فيه قتله الف الف مبـروك
قاللها قمــطي و حطــي في الســـيارة
19) في واحد رجباني ــ ما نبوش انقولو ترهوني باش خوتنا التراهنة ما
يزعلوش ــ المهم في واحد رجباني ماشي ايهيج في طرابلس امشي طاح تيزتانه
يعني محفضة,,, امشي للمركز قاللهم راح تيزتاني فيه 1000 دينار,,, امشي
اعطوه الف دينار تعويض ,, روح لصاحبه قاله اضحكت عليهم قلتلهم ديزتاني
فيه الف دينار و راح اعطوني الف دينار
امشي صاحبـــه للمركز قاللهم تيز تاني راح معاش القيته,,,, قالولــه
شنو كان فيه ,,, قاللـــهم ــــ حــوازة و حــــوش على دورين
20)في مراءة ديما اتعيط على راجلها .. في حوش بوي ديما نمشي للسوق في
حوش بوي ديما نشري في حوايج ,, شاديتله 24 ساعة حوش بوي ,,, حوش بوي,,
اتكنطى منها ,, قاللها و النبي هيا بدلي حوايجــك ,, قتله وين
للســوق ,, قاللها لالا ,, لي حوش بــوك
21)واحد اعمى ماشي للعرس ارفع مع ولده قاله كان الجماعة يأكلو بسرعة
انخصني باش الحقو معاهم,, امشي الاعمي عكس مع جماعة بدالي و هابي ,,
اقعد ياكل بسرعة الولد اتحشم ابدي ينخص في بوه ,, و الشيابني طايح ليه
ليه و الولد بنخص,, امشي الشايبني لوح الكاشيك
و قام الصونية ,, قاللهم تي غيـــر صلو على النبي يا جماعة بشوية
22)في طالب قالت له الابلة جيب بــوك .. امشي جي بوه قال لي الابلة خيره
ولدي ,, قالت له ولد خروف غبي ما يعرف شي,., قال لها
كيف ولد ذكي ,, قالت نسأله سؤال كان جاوب ولدك ذكي ,, قالت للولد برا
دور عليا لوطى ,, امشي الولد دور دور و ارجع،،ـ قاللها يا ابلة دورت
عليك في المسرح و حجرة المدرسات ما القيتكش ,, اتلفت له بوه و يضربه
كف .. قال له تي برا شوفها في الادارة يا حمــــار
23)في بو بريس خاطم القي فهد ابدي ايسب فيه .. قال له الفهد تي برا يا
بوريس اعقابها حتى انت ,, امشي قاله كانك راجل تعال وراء الشجرة ,,
امشي شده طاق طيق اطلع الفهد من غير عيون,, شافه النمر قاله خيرك ,,
قاله بوبريس دارلي هكي ,, قاله بوبريس تي وينه ,, جي البوبريس للنمر
قاله كانك راجل حتى انت اطلع وراء الشجرة ,, اعلق عليه وراء الشجرة طاق
طيق ,, اطلع النمر حاله ,, شافهم الاسد قاللهم تي خيركم,, قالوله
بوبريس ,, قاللهم بوبريس دار فيكم هكي تي وينه,, جاه البوبريس قاله حتى
انت يا اسد كانك راجل اطلع وراء الشجرة
جاه وراء الشجرة ,, امشي البوبريس ايقول للتمساح الي وراء الشجرة حتى
هدا يا ولد عمي حتى هدا معاهم
24)في فصل كله حمير و اغبياء ,, امشي قالت الابلة من ايقولي جملـــة
اسمية,,,ناض الفلتة فيهم على اساس
قال لها ( البـــكندا يشرب الشاي) قال له شاطر قمعز
امشي قالت من ايقول جملة تانية ناض نفس الطالب
قال لها: البـــكندا يشرب الشاي ) ,, قالت تي مش قلتها توا هادي
قاللها لالا هادي الطاسة الثــانيــة
25)ابلة سألت طالب قالت له ,, عندك 5 دينار و اخد منك خوك دينارين و
نص ,,, قداش يقعد عندك,,, قاللها ما يقعد عندي شي ,, قتله كيف
قاللها و الله ما يقعد عندي حاجة ,, قتلها توا بتعرف الحساب احسن مني
قاللها توا انتي بتعرفي خوي احسن مني ,,
26)في اعمى خاطم في الشارع.. امشي شدت عليه سيارة فرينو اقريب
ضرباته ,, اقعد اعيط ايه تي شوطه شوطه اقتل عمه
27)في واحد ناض من النوم القي ايده زرقاء امشي للدكتور ,, قاله هدا ورم
خبيث لازم انقصو ايدك ,, قاله باهي.. امشي الدكتور قصله ايده
تاني يوم ناض الراجل الي رقبته زرقاء ,, امشي للدكتور نفسه ,,, قاله
لازم انقص رقبتك .. قاله الراجل شنو هوا تي برا يا راجل,, امشي قال احسن
برنامج نمشي انعالج برا خيرلي ,, امشي سافر برا امشي للدكتور .. قاله
نوضت من النوم القيت رقبتي زرقاء شافه الدكتور ,, قاله برا اغسل
رقبتك .. طالــقة عليها رقبة السورية
28)في جامعة وفد من سوريا جاية طرابلس ,,, امشي وحدة من سوريا بتتعرف
على ليبي من طرابلس
قالت : انا ســـورية من حــــلب
قاللها : انـــا سروال من جـــــامع الصقع
29)في دكان ايبيع في السلع المحلية بالدركة ,, المهم مرة جيت ازمة طمام
في البلاد ,, الدكان ازحم زحمة صح ,, و حاط الطمام فوق في اخر رف و
السقف عالي ,, اتشحوير ,, الهم جي الاول قاله اعطيني حكة طمام ,, جابله
و انزل ,, الي بعده قاله اعطيني حكة طمام ,, اركب جاب و انزل ,, الي
بعده نبي حكة طمام ,, صاحب الدكان قاللهم علاش اتشحوير ماهو قولو مع
بعضكم و اني فوق ,, اركب امش قال للرابع شنو حتى انت تبي حكة طمام ,,
امشي انزل .. قاله املا انت شنو تبي ,,
قاله الرابع اني نبي حكتين مش حكة وحدة
30)في واحد ترهوني امشي لي طرابلي القي خلاط امتع عصير قامه و اقعد يفحص
فيه ما يعرفاش شنو هوا قال و الله لما نشري واحد و اروح بيه... المهم روح
بيه للبلاد ,, جابه للجماعة حطوه في النص ,, و دارو عليه دورة ,, و
يفكرو فيه شنو هوا,, بعد سعتين و الا ثلاث ناض اذكى واحد فيهم على
اساس ,, قاللهم و ربي الكعبة ما يطلع الا غسالة شخاشير
31)في واحد خاطم و عنده حمار ماشي بيه ,, القاه صاحبه ,, اقعد يتسهوك
عليه ,, قاله تعرف يا راس و الله اعرفت حمار و انت ما اعرفتكش.... قاله
عادي ,, الحميـــــر تعرف بعضها
32)واحد رجباني القي بــراد شاهي.. حكــــه اطلعله مارد قاله اطلب شنو
تبي ..قاله نبي تبنيلي كوبري من الرجبان لي امريكا ,,, قاله لالا يا راجل
اطلب حاجة ساهلة شوية ,, تي شنو كوبري من الرجبان لي امريكا,,, قاله
باهي نبي ليـــبيــا تربـــــح البرازيــــل,,,, قاله المارد ما قوتليش
تبي الكوبري ــــ مشي و جي و الا مشي بس
33)قالك في زوز رجبان امعكسين تحت ناطحة سحاب ايشوفو في حاجة نازلة من
فـــــوق الجماعة مدت ايديها بي تتلقى ،، يحسابوه شنطة و الا تيزتان...
طاح عليهم دولاب امهني
34)في رجباني و يباني تعاركو ,, امشي اليباني اضرب الرجباني
ارقد في المستشفى ثلاث ايام بعدها جاه قاله شنو الحركة هادي
قاله اليباني حتى تيكواندو,,, المهم امشي الرجباني اتمرن و جي
اتعاركو مرة تانية ,, اليباني اضرب الرجباني ارقد في المستشفى ثلاث
ايام ,, بعدها جاه قاله شنو الحركة الجديدة ,, قاله اليباني حتى هيا
كاراتي ,, امشي اتمرن الرجباني و جي .. اتعاركو مرة ثالثة,, الرجباني
اضرب اليباني رقده في العناية ثلاث شهور .. بعدها جي اليباني قاله ما
اتقوليش شنو الضربة هادي... قاله هادي لا تيكواندو لا كاراتي ,, حتى هوا
كـــريك هونداي
35)في ثلاث طلبة عندهم امتحانات ,, و هما سينسة مش قارين شي
قالو انخشو على البركة و خلاص و اي واحد يعرف حاجة ايقول للثاني
الهم جاهم سؤال : كــم عدد ارجل النعجة ,, ما عرفوش ,, اثنين سلمو
وراقيهم و واحد اقعد ,, بعد ما تم الوقت ,, قالوله علاش ما قلتناش كم
عدد ارجل النعجــــــة,,, قاللهم و الله ما فيها كيف المراقب كان حنبي
ما اقدرتــــش انطلعها النعـــــجة


----------------------


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
red flower
عضو مشرف
عضو مشرف


انثى
عدد الرسائل : 431
العمر : 25
الموقع : قمه ليبيا
أوسمة المنتدي :
السٌّمعَة : 11
نقاط : 32011
تاريخ التسجيل : 17/04/2008

مُساهمةموضوع: رد: نكت حريق, نكت ليبية صقع   الجمعة 18 أبريل - 20:53:30

adhik وااااااااو احلي نكت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نكت حريق, نكت ليبية صقع
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات قمة ليبيا | Top-Libya :: القسم الترفيهي :: قسم النكت الليبية | Libyan Jokes-
انتقل الى: