منتديات قمة ليبيا | Top-Libya


تم إفتتاح المنتدي من جديد

الرجاء الإطلاع على الموضوع الموجود هنــــــا

تحياتي,

منتديات قمة ليبيا | Top-Libya


 
الرئيسيةالبوابةس .و .جبحـثالتسجيلقائمة الاعضاءالمجموعاتدخول

شاطر | 
 

 ..:: خط ولوح ::..

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بنوتة بنغازي
مشرفة قسم حوآء وآلكوجينة
مشرفة قسم حوآء وآلكوجينة


انثى
عدد الرسائل : 496
العمر : 36
الموقع : منتديات قمة ليبيا
العمل/الترفيه : شى
البلد :
الجنس :
هوايتى :
السٌّمعَة : 21
نقاط : 33648
تاريخ التسجيل : 23/12/2007

مُساهمةموضوع: ..:: خط ولوح ::..   الثلاثاء 25 مارس - 18:32:20





السلام عليكم ورحمة الله

اولا كل سنة وانتم طيبين وكل عام وانتم بالف خير بمناسبة المولد النبوي الشريف
مولد سيد الكائنات محمد رسول الله عليه افضل الصلوات الحبيب المصطفى


ياشباب الموضوع واضح من عنوانه بصراحة الوضع اللي نشوفوا فيه هالايام وضع يحشم
ويقهر في نفس الوقت يعني توصل الدرجة ان بعض الشباب سامحهم الله في مثل هالمناسبة العظيمة يحرق الطرق وينشر المتفجرات ويثير الشغب ويشعل قوارير البنزين بصراحة شي يحشم بجديات يعني المشاهد يقول في شي مش طبيعي في البلاد ونحمد الله ان مافيش عدسة غربية او عين خفية تنقل للعالم الخارجي مانراه باعيننا فبالله شنو بيقولوا علينا هذا مولد رسولنا الاعظم هكي نديروا ؟؟؟؟

بصراحة كلنا زمان نفكروا في تفكير طياش وشباب لاكن مشكلتنا ان الواحد مايفكرش بعقلانية وبتأني فالخط ولوح المنتشر في السوق هذا اللي بتشريه لخوك او ولدك مش هو عبارة عن حرق في الفلوس يعني كأنه لو جاك واحد وقالك اهو جني واحرق فيه النار طبعا انت مش رح ترضى !! بينما العملية هكي يعني حرق فلوس وضياع اموال

وهذا ماوصاش بيه الرسول الاعظم في سنته

باهي بعدين قصة حرق الاطارات والبنزين وتصكير الطرق بالله هذا حال يتوصل بيه بلادنا
يعني بصراحة المظر مقرف ومخزي للغاية ان تلقى في مثل هالمناسبة هكي مناظر وخصوصا الاطارات من نفثها للدخان الكثيف وافسادها للطرق المعبدة وغيرها من اضرار

للاسف الشديد ان من يقوم بهالاعمال غير عالم بالدين السمح وتعاليم الاسلام ولا متبع للسنة المحمدية


نتذكر زمان واحنا صغار نولعوا في الشماعي في الحوش والا حتى لو اشعلنا نار تكون صغيرة وفي فناء البيت وذكر الاهازيج والتغني بمناسبة المولد

زي " هذا قنديل النبي فاطمة جابت علي "

او " هذا قنديلك ياحواء يشعل من المغرب لتوا"

وهذا قنديل وقنديل يشعل من المغرب لليل"

وغيرها من الاهازيج راحت مع الايام للاسف فالشباب تطوروا زي البيكومونات


وكل اسفي على من يحرقون اموالهم هباءا منثورا وافساد للمال والممتلكات العامة

نتمنى ان ارى في المولد النبوي الشريف القادم ان اعطانا الله عمرا تجهيز الطرق بالانارات والانوار المبهجة واشعال القناديل امام البيوت وداخلها وانارة كل ماهو موجود
والتهليل والتسبيح والذكر وقراءة ماتيسر من القرآن وخصوصا قراءة سيرة الرسول
وهناك كتب كثيرة مفيدة ومثمرة ككتاب رجال حول الرسول وككتب الحديث كصحيح البخاري ومسلم ومجموعة التفاسير القرأنية

هكذا يجب ان يكون احياء المولد النبوي الشريف وهكذا اوصانا لانبي الكريم شفيع الامة
وباب دخولها للجنة

اخيرا تقبلوا تحياتي
واتمنى من الله العزيز القدير ان يكون هذا الموضوع بادئة خير لمن ضل سواء السبيل


والسلام عليكم ورحمة الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://top-libya.msnyou.com
أسد الصحراء
آمير الشعر بآلمنتدى
آمير الشعر بآلمنتدى


ذكر
عدد الرسائل : 263
العمر : 26
الموقع : منتديات قمة ليبيا
العمل/الترفيه : المطالعة + المطالعة
الجنس :
السٌّمعَة : 14
نقاط : 32293
تاريخ التسجيل : 30/03/2008

مُساهمةموضوع: رد: ..:: خط ولوح ::..   الثلاثاء 7 أكتوبر - 15:50:59

شكرا علي الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
..:: خط ولوح ::..
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات قمة ليبيا | Top-Libya :: القسم الترفيهي :: قسم الحوار والنقاش والإقتراحات والألعاب والمسابقات-
انتقل الى: