منتديات قمة ليبيا | Top-Libya


تم إفتتاح المنتدي من جديد

الرجاء الإطلاع على الموضوع الموجود هنــــــا

تحياتي,

منتديات قمة ليبيا | Top-Libya


 
الرئيسيةالبوابةس .و .جبحـثالتسجيلالأعضاءالمجموعاتدخول

شاطر | 
 

 الشاعر القدير/ عمران القزون

اذهب الى الأسفل 
كاتب الموضوعرسالة
الليبي الصح
عضو مشرف
عضو مشرف
avatar

ذكر
عدد الرسائل : 141
العمر : 29
الجنس :
السٌّمعَة : 2
نقاط : 38012
تاريخ التسجيل : 06/12/2007

مُساهمةموضوع: الشاعر القدير/ عمران القزون   الإثنين 10 ديسمبر - 18:16:26

الشاعر القدير/ عمران القزون

يا امصرفه من شور جيهة داره قديم القصص بالله ويش اخباره

ويش علامه بعيد الجبا عاجل الخطا و اللامه

مر الجفا السريع حلة ابسامه طويل الرجا القصي رطيب اجواره

للخاطر و هن له ضاحكات ايامه و رادحات له و الصغر في تياره

لفا تقول نسمة فجر مقبل عامه خفيفه اتداعب فب ندا نواره

و أياماً و هو مسعد اعراض احلامه و رياح السعود أمسهلات أقداره

عليه غير ينوي كبرها بكلامه إيجيه الحطب منك و يكبر ناره

حج و سلامه قابله و غنامه و زياره علي راي العرب و انياره

و نمّا مع صابغ سواد أميامه راس مال جا منه و نال اثماره

أمغير ع الطرب الايام مي داوامه و الدنيا بمن يانس لها غداره

فيه كشّرن و أكشفن وجه خصامه و الطيب لوّلي عاود عليه مراره

و بيش ما لفت لطّن ارياح أقسامه و المكسب و راس المال بات خساره

و لام ع الدهر و انتي عليك ملامه يا امصرفه بيد الحكيم و ماره

بنات الدهر من طبعهن برّامه و انتي لهن شبيها عادتك ديّاره

بالله ويش دارن في سماح الشامه و في محوجبات أمدومعات حياره

و في بدر وافي من هبوبك ياما وينما تلفّت في الحرير تواره

و قير ما أشوّه من عمل وشامه و في أرهاف حاجرهن بدع صوّاره

و رادح مع رشقت اخطا لقدامه عود خيزران اشتاه جور أمطاره

معاك أنبعث ماضي أدفن بآلامه أنذوق في أمرار الموت من تذكاره

للخاطر كدا في صحوته و منامه و فاهق ايذاري فيه ما يذاره

و حاشت هموم أمضيّقات علامه راد كموهن و لكل حي أسراره

و كبار يهذلن هذلت دموع إيتامه من لوعت فراق طليس كيف نهاره

طوله أن شلتن يا أرياح سلامه كنيب يمسح سيته بعذاره

و حتى في الشريعه ع الخطا الندامه أن قرنت بتوبه صادقه كفّاره

و لا مالمقدّر في الهروب سلامه و النية شفيع الحي فيما داره

و أوقات ايتحيّر من أريا قدامه و كثر الدروب أتذهّب الدواره

و إيحولن أحوال الحي دون مرامه و يرضى الباطل و الصواب اصداره

- وين مكانه قديم القصص مكمي صنا نيرانه

بيوت ثقل حازنّه أصعب ديوانه و طيبه أن هف العقل حاس مداره

و من يوم من عفا وطنه لغب رحلانه / و هو في الرحيل و لاطات أشواره

تايه ابقي في موحشه خوّانه و هو قبل للي تايهين مناره

غريد بومها في الليل صامخ ذانه و شاهد فناها في ملاج انظاره

في الشيب في اللحي في القش في وديانه / في امزان في الخريف أمقوفله تجّارا

في الحيط في منازل راحلين ادّانا في بير غبين م الرديم آثاره

في الرمل تزحف للبحر كثبانه في الموج اتكسّر ع الشطوط كباره

فيك في خمودك زنّت الزنانه فيك في بحر كابر علي بحاره

في الملح في خربت شبوب امزانه في الجوع في ضلوع أمهولين فقاره

في سماح ناهبهن كحيل عيانه في دموع من يتامه يسقطن بالحاره

في أفراق م الغرنبه في سما جبانه في الصيد في غريد البوم فوق اسياره

في الموت في سبب له ما نعوز بيانه في أنياب في مخالب في أفواه غداره

في السم في شريك لسان في نيبانه في ذيول العقارب في تراب مغاره

طربانه توادع في قفول حزانه قليلة حياء لوجوها غيّاره

و فيها علي غالي عليه زوانا ياس شين سلتك ما خذيت بشاره

بالك تغيّر كيفنا عنوانه ويش وجهها بالله في منظاره

و العين الجسد قادت بطيب أجنانه و استحسن لشوخته حبيس ستاره

و شاخ القليد أنزلن دار الهانه بعيد عن دواير صانعات قراره

و لا العقل يمنح للعواطف خانه الكبد في بعض منها قهر بافكاره

و صاحب الخمسة مر منهن عانا و ندّم قليده في قرار أختاره

و اليوم بات طالق في الثلاث لسانه كي العين كيف القلب كي دبّاره

و اللي اليوم فاقد ضحكت و حنانه بلاه بات للعازة و هو بصغاره

و قدرك تشيليه السلام أمانه عليك مو امحرّم م العباد مزاره

و لا أتفرّقي بين البشر بديانه و لا ترضخي لاسلام لا للنصارى

و أعتذري ان عذري موش فايت وانه / و لا في قبول العذر باب صغاره

و قولي زمانه عالوفا ما عانه و كم كوت جيّد لط في مشواره

و لاعد مع غيرك ردح ميزانه و فيك العزا مازال رابخ طاره

و اللي سعن الايام في أهدمانه ماعد بناه و لا سعا لعماره

من حاش لطّن في ربيع زمانه فيك يا تدوميعت هميل القاره

ماعاد شاغل في الخريف اذهانه و بحرث و جوابد لا وطا لبذاره

و لا إيحط نين إيشيّعوا جثمانه طير بوم في مطرح غريم حباره
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشق القمة
عضو مشرف
عضو مشرف
avatar

ذكر
عدد الرسائل : 152
العمر : 28
الموقع : قمة ليبيا + إلكساد + شباب ليبيا
العمل/الترفيه : الكورة زى أى ليبي
السٌّمعَة : 6
نقاط : 37766
تاريخ التسجيل : 29/12/2007

مُساهمةموضوع: رد: الشاعر القدير/ عمران القزون   الثلاثاء 18 نوفمبر - 17:27:16

شكر يك أخي الكريم الليبي الصح شكرا على الموضوع ... Smile
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الشاعر القدير/ عمران القزون
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات قمة ليبيا | Top-Libya :: القسم الأدبي :: الشعر الشعبي الليبي والفصيح |Arabic poetry-
انتقل الى: